Pådje:Jean Lamoureux - Li rèw tchante, 1922 (in BSLLW t. 56 p. 33-34).djvu/2

Cisse pådje ci a stî coridjeye ey est l’ minme ki l’ sicanaedje.
— 34 —

I s’ djåzet d’amoûr tot s’ troûblant,
Assious d’vins l’flåwe clarté dèl leune.
Adon l’êwe clap’têye po chaskeun :
C’èst l’ rèw qui tchante po lès galants !

Èt, téle fèye, passe on vî brubeû,
Tot rindou d’avu fêt ’ne longue vôye
I s’ coûke èt c’èst d’vins s’ main qu’i beût
On pô d’ c’iste êwe qui coûrt èvôye…
Èt l’ pauve vîle åme qu’èst sins-årdjint
Ritûse à sès bês djoûs d’ d’avance :
Dè corant, monte ine doûce sov’nance,
Ca l’ rèw tchante po lès vîlès djins !