Cisse pådje ci a stî coridjeye ey est l’ minme ki l’ sicanaedje.
(96)
Li vïesse.
Air kinohou.
1.
J’i m’ dimande si ji poreu bin,
On sé qu’c’est mâlâheie,
Trover n’saquoi qu’on n’avah nin
Chanté traze et traze feie.
Ji creu qu’ j’y sos, j’a dè novai,
V’chal çou qu’i m’boute è l’tiesse :
Po n’nin esse deux chin so n’ohai,
Ji vas v’chanter l’vïesse. (bis)
2.
On vî homme, vos è convairez,
Qui té qu’il est s’mosteure,
Rin qu’en l’veyant vos l’respectrez,
Il est di s’timp, di si’ heure.
Vos li trovez l’air imposant,
Li grand air dè grand age ;
Meîmme si s’visège aveïhant
Est roiti comme ine cage. (bis)
