Cisse pådje ci a stî coridjeye ey est l’ minme ki l’ sicanaedje.
(63)
Poquoi qu’on fait hemme !
C’ess t’on foir bon paveu qu’ Donné,
Tot les joû d’vant qu’i n’seuie doze heure,
Si feumme li appoite à diner
So s’posse et d’vant leie il ouveure.
Elle a donc avu l’occâgeon
D’ l’oï fer hemme, qwand avou l’damme
I afonce les pire è sâvion.
On joû qu’ l’esteut assiou so s’hamme,
Po magnî l’ potaîe, s’ feumme lî dit :
— Poquoi fez-ve tant hemme à l’ovrège ?
— Po qui l’ pire inteure mî, fait-i,
Dire hemme, vis dobelle voss corège.
— Alôrss, riprind-elle, vos l’prouvrez :
Li prumî joû qui v’s’ârez l’flemme,
Qwand el mohonne vos ouverrez
Avou mi, ji v’ diret d’fer hemme !!!
