Tè va mi traiti di d’mèye braque
Min çou qu’jè va dire n’ès nin n’craque
Djè voudreus bin l’esse on bai tchin
Pas’qui zelles si donne dè bon timps
Ava les voyes tote le djournêye
I se pormonne ava le vèye
Qui seuye di nute ou di le d’jou
I fait todis tot çou qu’i vout.
Quand il a faim so le finiesse
De mon l’crassi i happe on cwesse
I prind todis des bons boquets
La wisse qui n’a nin des ohais
S’tè bouhe dessu l’egent d’pèlice
Qui vint bin vite et qui t’apice
Quand c’est nos autes ès l’pléce dè d’chin
Qui happéve on noe foute devins.
Tè vas dire qui j’so n’è savadge
Mins dji voudrais bin l’esse enne vatche
C’est des biesses qui l’avez sur bon
Il est tot l’timps so le wazon
Il a por lu des grand’s prairèyes
Et bin magni tote le djournêyee
Es l’hiviér po qui freudihe nin
On tape on peyasse so leu reins
Devins le stâ i batte si flème
I fait des bâyes ou bin qu’i dwème
Et si li plait nin di s’lèver
Tèl sareut nin fer rescouler
I te relouque avou ses ouyes
C’est pour demain quand c’est nin ouye
Est nos autes que vont l’èsse malin
I fât qui nos ovransse tot l’timps.
Jè t’ôds dedja dire que j’sos biesse
Mins ji te djeure so mènè tiesse
Jè voudreus bin l’esse on p’tit tchet
Il a bon ces biesses là valet
Il est couqui todis parèye
I passe ses pattes podri l’orèye
Il a d’keure dè timps qu’i pou v’ni
I beut, i magne et puis dwermi.
On dire sovint pauve petite bièsse
On l’ainme tot plein, on le caresse
Mins s’fat-i nin qui t’el d’jinner
Parquè tèl polléve fer mav’ler
Avou ses ongues i fait des grettes
Sor le minton, d’vins tè hènette
I beut dè bon lessai, valet
Mi ji n’a qui dé clér cafè.
Enfin si dji l’esteus st-ine biesse
On tchèt’ ine vatche, on tchin de tchesse
Dji n’areut pus mesahe d’ovrer
Et dji poye adon m’repwèser
Is mettèt nin âtou des pattes
Ni des tchassons ni des savattes
Il est moussi parèye ossi
Le dimègne tot comme le sèm’di.
Is foumet nin, çoula c’est drole
Is prindèt nin des tchiques di rolle
Is buvet nin l’pequet non plus
Is s’fèt maye de ma leu cabu
Devins les dgins, devint les biesses
Le plus malin lesquèl qui l’esse
Djè wadge qui vos tèl dottéve bin
I vat co mix què jèl dèye nin.
On peut se procurer n’importe quelle chanson française, petit ou grand format, n’importe quel recueil wallon. — Timbres en caoutchouc de tous modèles. — 100 belles cartes de visite envoyées franco, contre 1.25 en bon ou timbres-poste. — Location de perruques et costumes de Théâtre. — La maison fournit n’importe quelle pièce de théâtre, wallonne ou française. Contre 30 c. en timbres-poste, envoi franco d’une chanson petit format. — Maison la plus assortie de la ville et possédant les dernières nouveautés. En magasin, liberté de lire et de choisir. — Farces et articles pour grandes personnes. Catalogue général envoyé gratis.
