— « Mai quand i fièt chaud quoi fii ? »
Dist’elle au créquion. — « Au soère,
« Ou du jou, disti, j’choufflét,
« D’zous l’estuve, ou dain les cintes ! »
— « Vô chouffli ! j’in su continte,
« Ét bin m’fi, asteure dansét. »
Tout ça no mousse : qu’on doèt avoè l’idée,
Toudi pou l’ledmoin,
Pou n’né crèvé d’foin,
D’mette dè costèt aprét s’journée,
In p’tit bouquet d’poin.
L’COIRBAU EIÉT LÈ R’NAU.
In coirbau estét r’cheû bin long dain l’bot d’Gozée,
In t’nant dain s’bétche in crâ stoffet ;
In R’nau, qui l’lavet chû in sintant v’ni l’vénée
Estét d’lé l’arbe eiét li d’sét :
« Bonjou Jâque ? Bonjou vî stoûmaque,
« Bin comme vôs estèt bia avét vo noû casaque,
« C’est s’tenne belle piesse, et j’vourét bin wâgi,
« Q’vo l’lavèt fai keude pa n’ saqui,
« Et si vô voèx est s’taussi bonne,
« Què l’estoffe dè vo maronne,
« Vo poulèt concouri, avet Colas Boéron !
— La d’sû l’coirbau si fier qué s’tiesse in d’vènèt sotte,
