Pådje:Léon Bernus - Les faufes dè J. Lafontaine in patoès d’Chaleroèt, 1872.djvu/19

Cisse pådje ci a stî acertinêye pa deus contribouweus.
LIVRE 1.
13

Pou li chanter n’chânson,
Vout douvru s’bètche ét leyë chaire ess’ boûrlotte !
Lè R’nau l’rascoû eièt li dit :
« Choutèt bin c’ lesson çi woé m’fi :
« I nia toudi moéyin d’rascoutte enne bonne bouchie,
« In ingeusant in sot qui vout chouter n’vintrie :
« Faut iesse dé bon conte, mai mi j’coês,
»Q’ ça vaut bin in crâ stoffét !
L’ paufe coirbau scoubarét in li même ess’disèt :
— Quand on m’ tirera co n’pareye guette,
Les pouyes diront su dés crossettes.

MORALE :

Si vo choutèt toudi lés géins,
Toès quarts du tins on vo fout d’dain.


L’GUERNOUYE EIÉT L’BOU.

(La Grenouille et le Bœuf.)

Enne guernouye voèt in joû in bia boû dain in prêt,
Qui li chennèt co dé n’belle taye,
Leye, qui nestèt né co, comme in spoèt-couronnèt,
Jalousse, s’estint, s’infelle, et d’vînt ronde comme enne gaye,
Pou r’gangni l’boû pa s’grossœur !
In d’sant : woétèt ma sœur,
Nest-ce né assèt pinsai ? d’sèt in pau à vô n’ouye ?
— Va non ! — Mè v’ci d’abaure ? — Vo stèt co long ! — Mé v’là  ?
— Bah ! vô n’nièstet né co ! A l’fin l’tiestue guernouye,
S’a tailemint bin inflèt, qu’elle a fai s’quetter s’ pia,