Pådje:Léon Bernus - Les faufes dè J. Lafontaine in patoès d’Chaleroèt, 1872.djvu/23

Cisse pådje ci a stî acertinêye pa deus contribouweus.
LIVRE I.
17

L’BERBIS, L’JENNISSE EIÉT L’GATTE AVÈT MÉNIRE LION.

(La Genisse, la Chèvre et la Brebis en société avec le Lion.)

Enne berbis, n’jennisse eiét n’gatte,
Estint avét l’Lion, pou ieuses chessi à quatte,
Ell’ gatte tind ses lacéts,
Eiet l’jennisse estint s’filet,
Ell’ berbis rotte à doëte à gauche,
Et l’lion s’tappe à terre, pou batte ess’ flemme à s’n’auche.
Dain l’filet dé l’jênnisse arrife in vi singlét,
I s’infârfouye dédain, eiét lé v’la r’zinglet ;
L’lion despiesse quatte paures, eiét i prin l’pu lauche !
— « C’t elle-ci mervint disti, pa l’raisô q’jé su roè !
« Comme ell’ pu foire droci, l’deuxième m’ervint cô d’doèt,
« J’prin l’toèsième pasqué j’su l’pu franc d’toute vo chinaye,
« Si iun woéte su l’quattième, jé vo l’l’apougne pa s’gaye.

MORALE :

A pu haut q’vous r’clamét, nia né d’avance,
Conte ell’ fauce n’ia né d’résistance.


L’MALETTE A DÈFAUTS.

(La Besace.)

L’bon Diœu dit en bia jou, pou li avoè s’plaigi :
— « Toutes les biesses autou d’mi, n’ont qu’a v’ni rade sachire,
« Si iun ou laute su s’pia, troufe enne saquoé à r’dire,
« I n’a qu’a s’espliqui, et j’woétrai dé l’cangi ;