Pådje:Léon Bernus - Les faufes dè J. Lafontaine in patoès d’Chaleroèt, 1872.djvu/33

Cisse pådje ci a stî acertinêye pa deus contribouweus.
LIVRE I.
27

In vrai gant d’Anséreuse ! enne tiesse comme in vi g’noux !
« Asset, disti, et joquèt vous,
« J’nai pu pont dè ch’fia, mai j’m’in fout,
« Jévoye ell’mârriache au cint diale !
« Vo mauri aringi ch’qeune eune à vo fasson,
« Vo m’perdét més soyes pou l’lesson,
« Mai d’fai l’amour, qui n’duche pu iun qui m’pâle.

MORALE :

C’est co augile dé iesse marriét,
Mai avèt qui, s’est s’tenne saquoè !
C’n’est qu’in d’mi mau quand l’feume est bonne,
Mai si l’toûne dé iesse moèche, c’est s’tin diale dain l’mogeonne !
I vaut ostant d’meuré tout seû !
D’vint d’choési nia d’quoè avoè peû !
Enne bonne, c’est l’paradis, eiét n’moèche, c’est l’infierre,
Q nô féyons bin assêt su terre.


L’COQ EIÉT L’PELLE.

(Le Coq et la Perle.)

In coq in r’tournant l’feûmî
Voêt n’pelle ! et dain du papî,
Court rade pou l’vinde à l’orféve,
— « J’coès qu’elle vaut dés liards, disti,
« Mai j’aim’rais miœu, sain minti,
« In poés dain m’géve, ou bin n’fève.

In boyard dain sés papîs,
Troufe in live quèstét bin scrî,