Court d’lé librère à purette,
— « Quoè vousse, disti, dè payi ?
« Jè n’sai l’lire c’est trop brouyi,
« J’aim’rais miœu avoé n’plaquette.
Enne saquoé d’drolle, mai claire ét nette :
« On donn’ra toudi dés nogettes,
« A croquer à dés geins,
« Qui n’ont pu d’dins.
LES BOURDONS EIÉT LES ABELLES.
Des bourdons in bia jou, in grawant dain n’potelle.
Estint cheû sû in nigot d’mielle !
D’sant q’çai da ieuses i v’lint l’vinde au mârchi !
Mai conte ieuses n’iavèt n’binde d’abelles,
Qui l’l’erclamint étout, ét n’voulint né l’lachi !
Ça va au tribunâle, i perde nu n’wespe pou juche :
Elle fait s’procès verbâle, eiét l’prin l’plan dé l’ruche
Oû s’ qu’elles disint : qué l’mielle avet s’ti fai
Et pou témoin elles s’évont quai,
Leu camarade in coq d’aoûsse,
Qui rache ess’filet ét qui mousse :
« Qu’il a bin intindu, dés p’tites é biesses brouyi,
« Qui n’saurét lés r’connéche, fauce qu’il ai inbrouyi !
— Il ést prouvét pau vierre, pau créquion, pa l’garzéle,
« Qui n’saurint né dire qui, mai q’çai des biesses a zéles !
« N’vie abelle prin l’parole, ét dit : nia qu’in moéyin,
« Pou nous autes vudi du pétrin :
