Pådje:Léon Bernus - Les faufes dè J. Lafontaine in patoès d’Chaleroèt, 1872.djvu/39

Cisse pådje ci a stî acertinêye pa deus contribouweus.
LIVRE II.
33
REFLEXIONS :

Comme Lafontaine no l’dit : v’la in drolle dé jugemint !
Mai daujureux qué l’Sinche, v’let imité les geins :
Avez doét dain n’saquoé, réclamelle pau tribunâle :
— Dés liards pou l’avocat ?? Né brammin ! — C’est foutant,
« Faut dé printe iun d’aprèt l’sint Jean !
L’juche grabouye dés mârmots, et i soque tins qui pâle !
Avét tous vos doets, vô pierdet !
L’avocat d’é n’plaquette,
Vô fout ça à vo guette !
Pont d’liards ? N’ia rin à fai !! D’meurét : volét, trompét !
Dés pépins plain vô satche ?
Vô perdét l’coq dés avocats !
N’uchet né peû ! i vô z’aring’ra ça !.
Mai d’vant : pou cominci, du trau pou qui vô s’atche,
« Comme Dérenne i d’mîndra : Hé m’colau, avéz n’vat’che ?
— « V’là n’bouse dé liards !! — A dadaye î pal’ra,
Braira, criera, tappra, jurera, et s’d’esbattra !
Juche, greffier, et hussier, gindarme ! Tout l’monde chotra !
Fra tant d’ses pids, dé s’lanque, du trau qui vo s’ach’ra !!
L’pu moéche cause, i l’gangnera !
Et on l’omme ça : L’Justisse !
(J’n’y comprin rin ! Qué l’diâle m’apisse.)


LÉS DEUX TORIAS EIÉT N’GUERNOUYE.

(Les deux Taureaux et une Grenouille.)

Fel à coups d’coines deux cras torias,
S’foutint n’doublure, r’tannint leû pias !
Pou vire ell’sin qu’aurèt, pou s’maîtresse enne jennisse,