L’paufe baud’li pou scapper, a co bin ieu des ruges !
Pou l’baudet imbitieux, ça sti bon aployi.
Dain c’monde-ci, si no v’lons fai tertous iun comme l’aute,
Souvint nos estons l’bœuf, et c’est bin pa no faute.
L’LION EIÉT L’RAT.
Pou obligi n’saquî, faut toudi s’desringi,
Pasqué d’in pu p’tit q’soé, on za quéque coup dangi !
Pa n’faufe droci faut q’jé vo l’mousse :
Et l’sin qu’on za aidét pou bin avoé l’plaigi,
D’véni étout vô soulagi !
In Rat, n’miette berzinque, féyét n’drolle dé frimousse,
In s’voéyant cheü, dain lés grawes d’in Lion !
Comme c’estét co in bon gârçon,
I l’la lii sérallé, dain s’trau mougni ses crousses.
Qui s’q’uaurét sti songi,
Q’uin Lion pourrét bin d’în Rat avoé dangi :
Dain in filet d’éspesse ficelle,
Vudant d’in bot i s’éva s’estichi !
Et il a bia beulé, pou appélé s’fumelle !
L’ Rat vint et i commince, à rongi, à machi :
L’ Lion q’uestét comme d’ain n’gayolle,
À’ l’fin l’filet desfai, scappe ell’goue dé l’cassrolle.
L’ Patieince eiét l’longeûre du tins,
Fiont pû qué l’fauce et l’colére bin souvint.
