Cisse pådje ci a stî coridjeye ey est l’ minme ki l’ sicanaedje.
— 49 —
SCÊNE V
PORAI — DADITTE
DADITTE (intrant po l’gauche)
Est-ce Emile qu’enn’èva ?
PORAI
Awè.
DADITTE
Wisse va-t-i ?
PORAI
Qui sés-j’ don mi. Fer on toûr so l’Batte surmint.
DADITTE
N’a-t-i rin dit ?
PORAI
Il esteut annoïeux di v’s avu fait dè l’pônne… il a même dit qui, po v’s fer plaisir, il ireut mutwoi bin mons Ruth houïe à l’nute.
DADITTE (joyeuse)
Awè ?
PORAI
I l’a dit.
DADITTE
Et vos ? Vinrez-v’ avou ?
PORAI
Nos veurans çoulà. Po quélle heûre frez-v’s li dîner ?
DADITTE
Po vès ine heûre, comme todis. Enn’allez-v’s ?
PORAI
Awè. Ji m’enn’èva n’miette.
