Cisse pådje ci a stî coridjeye ey est l’ minme ki l’ sicanaedje.
— 63 —
TONTON
Sortot ki nos n’ î candjrans rén… C’ est comme dji vs el dijheut torade alez, c’ est ene destinêye…
DADITE
Leyans les fé c’ est l’ meyeus.
TONTON
Awè Dadite, nos avans fwait po nozôtes, k’ i fjhexhe por zels. — Dji cour evoye dê mi. Ni djåzez d’ rén a vosse fi savoz, dji n’ vôreu nén k’ i pinsaxhe…
DADITE
Mi ? Vos estoz sote surmint, dji n’ pou må.
TONTON
Arvey, et merci savoz po vosse châle.
DADITE
Ci n’ est rén d’ çoula.
(Cwand Tonton vout sôrti M. Fordjeu intere et Tonton dimeure co)
SINNE XI
DADITE — TONTON — FORDJEU
FORDJEU
Madame Porea, li compagneye.
DADITE
Monsieu Fordjeu !
TONTON
Monsieu Fordjeu.
FORDJEU (a Tonton)
Madame Gårnir ! Est ç’ mi ki vs tchesse evoye !
TONTON
Neni savoz !
