Cisse pådje ci a stî coridjeye ey est l’ minme ki l’ sicanaedje.
— 74 —
EMILE
Awè mame, vola k’ dji rintere.
POREA
Et c’ est l’ fwin kel ratchesse savoz, dixhombrez vs !
DADITE
Ô ! les crompires seront vite cûtes et l’ bouyon est presse dispoy ir… Ki loukîz vs la, sol gazete don m’ fi ?
EMILE
Mi ? Oho, l’ eure do concert.
DADITE
Nos î alans eshonne edon ?
EMILE
Dji vou bén mi mame. Vinroz vs avou popa ?
POREA
Pocwè nén ; awè.
DADITE
Çou ki m’ anoye, edon mi, c’ est k’ les Gårnir î seront. Torade edon m’ fi, Tonton m’ a vnou epronter m’ châle po poleur î aler… li sonk n’ est pus a mete, dit-st ele. (meprijhante) Kénès ptitès djins k’ c’ est çoula ! S’ i m’ faleut måy fé ene afwaire pareye, dji n’ sai çou k’ dji freu.
SINNE XVIII
DADITE — POREA — EMILE — MELIYE
DADITE
MELIYE (intrant pa l’ fond)
Pout on bén intrer ?
POREA
Awè m’ feye, intrez, intrez, i n’ a nole djinne.
