Cisse pådje ci a stî coridjeye ey est l’ minme ki l’ sicanaedje.
— 76 —
EMILE
Kimint ! est i rivnou dvins les pris ?
MELIYE
Vos l’ savoz bén edon (djesse da Emile) Oho, awè dê, c’ est vraiy, vos n’ è savoz rén.
(Porea les louke onk et l’ ôte)
EMILE
Ô ! et bén c’ est d’ ene boune aweur po les longuès tapes.
(Dadite rintere)
MELIYE (riyant)
Awè ; disk’ a pus tård. Årvey monsieu Porea, madame…
POREA (bén roed)
Årvey mi feye ; fjhoz des complumints e vosse måjhone !
(Meliye sôrt pa l’ fond)
SINNE XIX
DADITE — POREA — EMILE
DADITE
Kéne pitite clapete !
(Emile si tént sol costé erî des ôtes)
POREA
Elle est bén binamêye… Elle esteut si djinnêye pôve pitite, ki dj’ a fwait e-n esprès do djåzer d’ colon…
DADITE
Elle a tot l’ minme l’ air d’ aveur pus d’ oneur ki s’ mame.
POREA
Elle est djonne edon, li djonnesse est todi pus fire et pus vite djinnêye… Et ké novele, li dinner est i cût ?
