Cisse pådje ci a stî coridjeye ey est l’ minme ki l’ sicanaedje.
— 77 —
DADITE
Dji m’ va vey, dji vs houcrè.
(ele sôrt pa l’ gåtche)
SINNE XX
POREA — EMILE
POREA
C’ est ene bele pitite djonne feye savoz li ptite Meliye !
EMILE
Awè… trovez vs popa ?
POREA
Awè savoz, elle a des ptits ouys ki blawtèt come deus ptitès stoeles…
EMILE
Ô ! elle n’ est nén laide.
POREA
Et binamêye, dji croes ; ni pinsez vs nén ?
EMILE (avou feu)
Binamêye, ô awè… (si ratrapant) i mel shonne do moens…
POREA (ki voet clair)
I vs el shonne edon ? (a pårt) C’ est todi bén çou k’ dji pinséve.
SINNE XXI
LES MINMES — GÅRNIR
GÅRNIR
(intrant pa l’ fond avou ene botaye di cognak)
 ! vos estoz cial.
POREA
La, kî vola !
