Cisse pådje ci a stî coridjeye ey est l’ minme ki l’ sicanaedje.
— 78 —
GÅRNIR
Et Dadite, wice est ele ?
EMILE
Mi mame fwait s’ dinner.
GÅRNIR
Dji mel va cweri.
POREA (sopliyant)
Pire, dimeure cial, ti va co l’ fé måvler.
GÅRNIR
Måvler ! Neni, i n’ a nou risse, i fåt k’ djel voexhe…
(il intere e l’ coujhene)
SINNE XXII
POREA — EMILE
POREA
Il a ene pitite paye, i va co fé måvler vosse mame.
EMILE
Pinsez vs k’ i soeye sô !
POREA
Nén sô, mins il est macasse…
SINNE XXIII
POREA — EMILE — DADITE — GÅRNIR
GÅRNIR
(assaetchant Dadite pa l’ pougn)
I fåt k’ vos vnexhe, i n’ a pas a dire !
DADITE
Bén låtchîz m’ po l’ amour di Diu, vos m’ alez fé do må.
GÅRNIR (halcotant)
Dadite, schoûtez on pô, ci n’ est nén po vs fé tourminter k’ dji vs a stou cweri e vosse coujhene.
