Racoûti !

Nos-ôtes lès vîs cinsîs,
N’avans nin l’ timps d’ tchampyî.
On boute dîj eûres d’asto,
Quéquefîye co d’ pus ; ’là co !

Al vièspréye, on s’ rachone
Su l’ soû d’ l’uch dèl maujone.
Po-z-ôre li dêrène praute,
Taper one mache di cautes.

Nos gnognots soketéyenut,
Là waîte, i sone méyenut !
Èlle a roté rwèd nosse chîje…
N’-n-ârans co rade dèl bîje.

Ça bise si rade lès djoûs,
Èwou è-st-èle, nosse vîye ?
Nosse tièsse blankit su l’ soû,
Ça bise si rade, nosse vîye !