Rantwèle 0.3: les dêrinnès codûwes

Ciste ouve ci egzistêye eto divins ds ôtès ortografeyes : Rifondou 2022.
Li cwarnêye des novèlès tècnikes
Li Rantwèle  0.3,
Li cwarnêye des novèlès tècnikes

On put cåzèr did ttafwêt è walon, èt, cwand on z-est a stok, on fwêt come tertos: on djåze è francès. Oyi, mins, i fåreut ddjà k’i fwixhe sipès po les Rantwèlîs y-èsse an rak

Imådjina, li sålon des forveyowès imådjes…

…vint d’ clôre ses uxh à Monaco. Dju vos nn avins dèdjà cåzè, don, des forvèyûwès imådjes (riloucoz divins vosse Rantwèle 0, (0), 1994). Li tchamp di c’ sôr d’imådjrèye-là est yute di tot sk’on put catûzèr[1] èt fortûzèr[2]. On pôreut, si on vôreut, fè des films è walond sol guêre di 40, u so on maleûr dins on tchèrbonadje, uco sol rèvolucion lîdjwèse. Èt tot ça, sins passer l’ soû d’ l’ovroû[3]. Kéne afwêre!

Sony èyè Phillips ont ça a leûs guètes

Matsushita, li grosse måjhon japonèse, ki c’est da sinne li mårke di vidèyô JVC, vint di rdjonde one soce ètur Toshiba èyè Time Warner. Il est d’ kèssion d’one lûte po les standårds des vidèyô-disses lazêr, et des diskètes lazêr po les copiutrèces[4]. Ça fwêt ki l’ sitandård da Sony èyè Phillips ni sèrè måy so do JVC. Po les ptits alouweûs[5] did dimwin (vos èt mi), ça vut dîre k’on z-årè co deûs sôrs di bidons, come les sistèmes Pahl èyè Secam po les posses ås umådjes[6]. Pôves nozôtes èyè les tchins d’ tchèrète!

Note Wikisourd

Eplaidî so foyes agraptêyes, et evoyî a ene vintinne di djins e moes d' fevrî; divins l' mwaisse tecse, gn aveut ces ratournaedjes ci e francès:

  1. élucubrer
  2. fantasmer
  3. laboratoire
  4. CD-ROM
  5. consommateurs
  6. tévé