- Ké novele a Lidje ?
- Vo les la totes !
- Et nosse novele luçon, ele si lome comint ?
- « Li fråzlete aloyeye å no ».
- C' est cwè, ene fråzlete ?
- Ene fråzlete, c' est on boket d' fråze avou on viebe.
- Les fråzletes sont e ké coleur so vosse tåvlea ?
- Les fråzletes, c' est del bleuwe coleur.
- Sårîz lére li pumire fråze ?
- Åy ! « C' est l' cok ki tchante tote nute ».
- Li fråzlete, c' est cwè ?
- Li fråzlete, c' est: « ki tchante tote nute »
- Et li mwaisse fråze ?
- Li mwaisse fråze, c' est: « c' est l' cok ».
- Ploz dner èn ôte egzimpe ?
- Åy ! « Li cmere ki dene sicole, c' est m' mame ».
- Li mwaisse fråze, c' est cwè, a ç' moumint la ? — elle est e noer, li mwaisse fråze.
- « C' est m' mame »
- Et li fråzlete aloyeye å no, c' est cwè ?
- « ki dene sicole ».
- Et l' no k' elle est aloyeye après[1], c' est cwè ?
- « li cmere ».
- Dins l' prumire et l' deujhinme fråze, on voet bén ki… Cwè çki raloye li fråzlete al mwaisse fråze ?
- C' est « ki ».
- Li fråzlete, elle est raloyeye a cwè ?
- A on no.
- Ké no ?
- « Li cok », « li cmere ».
- Et dins les ôtes fråzes… On n' les a nén co lî, mins… Sayîz on pô d' lére li troejhinme.
- Iva ! « Dji n' magne nén åk ki pike »
- Li fråzlete, c' est cwè ?
- Li fråzlete, c' est « pike ».
- Et c' est raloyî a cwè ?
- A « åk ».
- Li fråze d' après ?
- « Cial, c' est mi k' est mwaisse ! »
- Li fråzlete, c' est cwè ?
- « k' est mwaisse »
- C' est raloyî a cwè ?
- C' est raloyî a « mi ».
- Mins, dins ces deus mots la, « åk » et « mi », c' est nén des nos !
- Åy[2]
- C' est cwè ?
- C' est des pronos.
- Adon, li fråzlete aloyeye å no, on pôreut dire : « aloyeye å no u å prono ».
- Åy
- « åk », c' est nén foirt corant come prono. Cwè çk' on pout dire e l' plaece di « åk » ?
- « ene sacwè ».
- Li fråze, ça sreut: ?
- « Dji n' magne nén ene sacwè ki pike ».
Pî-notes