Ciste ouve ci egzistêye eto divins ds ôtès ortografeyes : Feller-Léonard.
Dins l’ påjhûle nute
Li Rantoele  100,
Dins l’ påjhûle nute

Dins l’ påjhûle nute
‒ binamêye nute ‒,
wai l’ sitoele
emey li toele
do noer cir la k’ on-z ôt des tchansons.
Est ç’ les andjes ki zûnèt dafaçon ?
Et l’ estoele a mostré
li ståve do prumî Noyé.

Gn a des bierdjîs
ki rmouwèt l’ pî
po-z acori
addé l’ tcheri
la k’ Mareye, dins ses bresses, tént li ptit :
on påpåd ki va candjî l’ avni
di miyons d’ djins sol Tere.
Ci srè l’ pus grand des misteres.

So on nuk di fistou,
il ont tertos vnou
vey l’ efant
dedja djåzant :
« Nonna nosse mame n’ est nén-st a blåmer.
C’ est l’ shofla do Bon Diu k’ a-st ovré.
Dj’ apoitrè djoye et påye
et l’ pus grand bouneur k’ i gn åye. »

A stî scrît sol tipetape del tchanson d’ Noyé almande « Stille Nacht », li 15 di decimbe 2021. Li prumire fråze a stî assaetcheye pa ene modêye da Jean-Denis Boussart « El nute påhûle ».