On gros joieu ni d’mandéve à Bon Diu
Qu’ine sôre, c’esteut qu’ tot l’ monde jâsahe di lu.
I n’iat des gins qu’ont des bin drol di gosse,
Mais qui volez-ve ? Mâgré çou qu’ çoula cosse,
I va fer fer ine grande masse di portrait
Bin bai.
A tot pôsant, i n’ fa, j’ respond, nin l’ mowe.
Les portrait fait, on les hâgne à chaque rowe,
Ax estalèges ossi bin qu’ so les meur,
So des boteie, des boteie di liqueur
Et meîmme di pus, so des caisse di cigare,
On plaque l’imâge di noss joieu pleint d’ châre,
A tiesse di pipe, on l’ fait foirt ravisant ;
Colard è fait on bouname di Dinant.
I nn’è voléve co puss, l’amateur di parâde,
I l’ dérit meîmme ine feie à s’ pus grand camarâde.
Cichal li respondat, après avu bin ri,
I n’ vis dmeure pus qu’ine sâie à fer, c’est l’ pilori.
S’on n’ jâse nin assez d’ vos estant fait à bouname,
Li mèïeu d’ tot, ast’heure, c’est di v’ fer mette so l’hame.
So l’ hame
Les crostillons, H. Vaillant-Carmanne,
[ 65 ]
So l’ hame.