Sonnet
Ah! vos v'loz, Présidint, deûs ou trwès mots di m'pène ?
One sakwè d'bin twartchi, bin pinsé, s'crît di m' mia ?
Do trisse ou bin do gay′ ? One lawe ? On doûs riya ?
On rèfrain su lès fleûrs ou sur on′ coch′ di spène ?
Ça, c'èst augie à dîre pol′ ci qui crie: “Amène” !
C'èst qu'on n'a nin tortos l'toûr dè tchanter l'solia,
Ni dè scrîre dès bias vèrs tot au long d'on fouya.
Ci qui dj'frè dj'èl sins bin, sèrèt sûr puss′ qui tène !
Nawère, c'èstèt l'bon timps ! Avou l' “faridondon”,
Dji rimeûve co voltî, trwès coplèts d'one tchanson.
Mins à c't'eûre, c'n'èst pus ça. Vèyoz, dji piède coradje !
Nwari dès p'tits papîs, lès vouy′ ignî dins l' for ?
Dj'inme mia nin assayî, taper-là hatche èt matche
Èt fini tot d'on côp èt signî : Berthalor.