Tchanson pol boskiyon

Ciste ouve ci egzistêye eto divins ds ôtès ortografeyes : Feller.

Li Rantoele lº 102, 2022

Tchanson pol boskiyon

I.

Elle est por vos, ci ptite tchanson,
Vos l’ boskiyon ki, sins façons,
M’ a dné do bwès po fé do feu
La k’ dj’ esteu cåzu moirt di froed.
Vos ki m’ a bén restchåfé cwand
Les vergougneus, les måpinsants
Tos les flairants et les glawenes
M’ avént rclapé l’ poite a l’ narene.
Ç’ n’ esteut k’ ene pougneye di cayets
Assez po rtchåfer mes oxheas.
Pus awoureus k’ on påcolet,
Dj’ esteu come divins on banket.
Vos l’ boskiyon cwand vos nd iroz,
Ki l’ fossî vs doerè-st emoenner,
Vos rtrouvroz les cis ki n’ sont pus
Al bone wåde di Diu.

II.

Elle est por vos ci ptite tchanson
Dame do lodjisse ki sins façons
M’ a dné kékès tåtes di saeyén
La k’ dj’ esteu cåzî moirt di fwin
Vos ki m’ a si bén rpaxhou cwand
Les vergougneus, les måpinsants
Les djins k’ inmèt bin d’ calmaxhî
Avént bon d’ insi m’ vey djuner.
Ç’ n’ esteut portant k’ on boket d’ pan
Ki m’ rindeut on pô pus vayant.
C’ est vos k’ årè l’ pus bea boket
D’ m’ aveur metou so l’ houptiket.
Dame do lodjisse cwand vos dn iroz…

III.

Elle est por vos ci ptite tchanson
Vos l’ etrindjir ki sins façons
D’ ene air målureuse m’ a sorî
Cwand les gableus m’ ont-st apicî
Vos n’ avoz nin aplôdi cwand
Les vergougneus, les måpinsants
Les djins k’ inmèt bén d’ calmaxhî
Avént bon di m’ vey emoenner
Ç’ n’ esteut portant k’ on pô del låme
Mins ele m’ aveut rischandi l’ åme
Do fond do cour dji vs di merci
Vos m’ drovoz l’ poite do paradis
Vos l’ etrindjir cwand vos nd iroz…