Madlinne
Dilé les cinsîs qui fautchén'nt leû blé
Dj'a coudu ène paute ;
Et zèls, is m'ont dit, en m' riwétant fé :
« In blond come cit'ci, i gna pupon d'ôte ! »
Dj'a rî sins rèsponde, sondjant à vos tchfias.
Is n'compudrén'nt nén si dj'dijais qu'siya.
Dilé l' djârdinî qui sognait ses rôses,
Dj 'a côpé ène fleûr.
Li vî homme m'a dit: « Si vrai qui dj'vos cause
Ele n'a nén s' parèye, wêtiz m'quine couleûr ! »
Et mi qui sondjais à vos deûs massales,
Dj' a rî sins responde, peû qu'i n' hausse les spales.
Mi vijén qu'est fiér di ses mouches d'api
M'a fait sayî s' laume.
« Trouvrîz bén au monde, rén d' pus doux qu'çoci ?
Respondoz franch'mint », m'a t-i d'mandé Yaume.
Mins mi qui a yeû vos lèpes à baujî,
Po rîre à mi-auje, dji m'a stî catchî.