Chagrén
Come il a fait li p'tit vaurén,
Djandjan a stî mètu dins l'cwén.
C'est l'prèmî côp, i n-n'a dèl pwinne,
I somadje à z-è piède l'alinne
Et i trèssine di tot s'pôve cwârps.
Au fond, est-ce qui dj'n'a nén yeû twârt ?
Si les èfants ont leû-z-idéyes,
Les vîs n'compud'nut nén l'rizéye.
I brait, èt djè n-n'a l'cœûr si gros
Qui dj'lî d'mandréve pârdon à gn-gnos
Po qu'i r'comince à nos sorîre.
Mins li ? Si léyerait-i à dîre ?