C'est l'bougnou des consyinces qu'i fauréve plus vûdî
Comme on vûde tènawète li cén do mécanique.
Mins si l' deuzyinme si pout r'nètî,
po l'prèmî
c'est bernique.
I gna pont d' bèrnatî
qui vauréve ène parèye pratique !
Li cén qui vauréve ètèrprinde
di scrèper des broulîs ossi spès
et ossi nwârs qui do daguet
sèréve à plainde.
Li bougnou qui dj'wès l'pus èvi,
c'est l'cénk do cœûr trop deur qui n pinse qu'à li,
li cén d' l'homme pressé à z-admète tos les sacrifices
qui l'z'autes supwatront à s'bènèfice ;
di l'homme qui pèstèl'réve ses parints
po qu'i n' manque rén a s'contintemint.
On n'n'a tortos dins s'parintéye
des dgins qui crîyenut comme li pourcia qu'on z'ahoûrléye
po l'pus p'tite aroke dins leû tchmén,
mins qui vos traitenut comme in tchén
et qui vos mostèrnut l'uche
si vos d'mandez qu'is vos aidenuche.
Qui l'Egoïsse dischinde li-minme dins s'bougnou
èt qu'il y stofe surtout.
Tote ène Vîye (CW1940)/XXVII
27
Tote ène Vîye, Les Cahiers Wallons lº 32,
Dins l' bougnou