Vos-avoz dëscrwèjelé mès brès,
Më prinde dins lès vosses,
Djë m’a laiyî bèrci, r’clôyë mès-ouys.
Dj’a sintë l’ plaîjë monter come one wague,
I n’a falu pont d’ timps,
À m’keûr, po prinde mèsëre dè l’ vosse
Dj’a tchaît là, rwède sote,
Vos m’avoz achèvé là, l’alin.ne côpéye.
Dj’a atrapé l’ bèrloke,
Dj’a pîlé po qu’ vos taurdjoche
Dj’èsto nèyîye come jamaîs,
Come së dj’aro yë bagnî dins-on richot.
Vos-avoz plonké
Dins m’ keûr
Dins m’ cwârp,
Dins m’ tièsse.
Vos-î avoz prins tote lë place.
Djë m’a sintë së flauwe,
Dj’èsto dëv’nouwe vosse djouwèt,
È minme timps, djë m’ sintéve pës fwate,
Pës dëre, pës achèvéye,
Parèy’ quë vos,
Èt djë m’a pâyî
D’one vëkaîrîye à vos costés.
Note Wikisourd
siné: Marîye Clap Chabot, Sur une idéye d’ Anne Ravet