Vs-ôz aspêtché lès bates du coks
Vs-ôz aspêtché lès bates du coks
La pus d' çant-z-ans. Ène bèle hapêye !
Pocwè avèz dmèré astok,
Èt n' nin dusmwintchî lès-årmêyes ?
Vous-astèz pus bukés k' dès boks,
Vous, prèzidints, toute la cawêye,
Pou-z è vlu a dès bates du coks
Dabôrd ku çu n' èst k' ène tchîtchêye…
…Dulé lès yêdes du djins a hokes[1]
Ku lès guêres tapèt s' les pavêyes !
Dès bombes, vous 'nn' avèz dès plins stoks.
Lès csèmer, lès rfé a hoplêyes…
Mins, va, gn è pupont d' bates du coks !
Note Wikisourd
Li tinme a stî diswalpé a pårti d' èn arimé da Joseph Brismé scrît dins les anêyes 1920.