I.
Twè, valet, ki riskêye ti veye
Corant å scours del liberté;
Twè, valet, k’ ofrixh pår ti veye
Po schaper cisse liberté la
E t’ egadjant foû di t’ payis
Lon, bén lon houte di nos frontires,
Por mi, ti serès-st ene bistoke
Ki mosterrè ki l’ monde est bea.
Resploe
On-z est mwin divins l’ mwin
On-z est cour addé cour
Po basti l’ vraiy bouneur
Des efants did dimwin
II.
Nozôtes ki vike so cisse bole ci,
Sondjans a çou k’ i gn a d’ pus hôt.
Viker, c’ est come tinde ås lursetes.
Les canons dvèt clôre leu babeye.
Ki t’ soyixhes blanc, djaene oubén noer,
Les voyes moennèt-st å rafiya,
Et les peupes si rtrovèt come frés
Cwand on pårtixh on ptit riya.
Å resploe
III.
Li tins d’ on sondje, rovians les, don,
Tos ces araedjîs fiziks la !
Fijhans l’ guere avou des tchansons
El plaece d’ el fé a côps d’ canon !
Li noere nuteye ridvént loumire
Gråce a totes les djins di dsu l’ Tere
Ki s’ rashonnèt amiståvmint.
Il ont divnou sôdårds del påye.
Å resploe
li mwaisse sicrijheu a dné a Dimitri François tos les droets po rmete ses tecses do francès e walon