Eune blanke dame dit a Marèye èt Fèrnand :
« Po-z-aveûr situ ’ne si bone côpe dispôy 25 ans, vos polez fé chaskonk on sohêt. »
Marèye, li prumîre :
« Dji vôreû fé l’toûr dè monde, avou m’ binamé ome », dist-èle.
Li blanke dame fé aler s’baguète, èt abracadabra, … dès bilèts d’aviyon aspitèt come on côp d’aloumîre.
« Euh, c’èst fwért romantike, mês in-ocazion parèye, ça n’arive qu’on côp, dèzôlé monkeûr, mês dji vôreû bin aveûr ine fème di 30 ans pus djône qui mi,… dj’inm’reû co bin fé d’tins-in-tins dès coupèrous ! » dist-i Fèrnand.
Marèye èst tote pèneûse, mês on sohêt, c’è-st-on sohêt, on n’pout qu’lèyî fé, pôr qui d’vant l’blanke dame on n’pout dîre çou qu’on vout.
Adon, vola l’blanke dame qui fêt on rond avou s’ baguète… abracadabra… So l’côp… zip… vola nosse Fèrnand qu’a 90 ans.
Tûz’rèye : Lès-omes sont dès côps dès mâssîs pourcès, mês lès blankès dames sont tofér dès fèmes.