Eune dame va-st-amon l’artisse
Eune dame va-st-amon l’artisse avou s’tchèt, i lî sonle qui l’pôve bièsse divint sourdôte.
L’artisse louke li tchèt et dit…, qu’il’ a trop’ di poyèdje d’vins lès-orèyes.
— Vos lî mètrez dè « Ratapoil », c’è-st-on prodwît po fé ’nn’aler lès poyèdjes.
Ele va cwèri li r’mède amon l’apotikaire qui lî dit :
— Si c’èst po l’dizos dès brès’, loukîz di n’nin mète dè déodorant so l’minme tins.
— Ah, mês ci n’est nin po çoulà, savez m’sieûr l’apotikaire…
— Si c’est po vos djambes, loukîz di n’nin mète des pantys so l’minme tins…
— Ah, mês ci n’est nin po mes djambes, c’est po m’tchèt, dist-èle…
— Po c’ cas la, loukîz di n’nin fé dè vélo so l’minme tins, dist-i l’apotikaire.