Wikisourd:Depot/Lucyin/Dji vs rivoe todi tote bele

Racsegnes sol tecse metou dvins l’ depot

Tite	Dji vs rivoe todi tote bele
Oteur	Bruno Picard
Date do scrijhaedje (do ratournaedje, do rortografiaedje, evnd.)	2 di måss 2021
Date d’ eplaidaedje (so Wikisourd)	2 di måss 2021
Depôzitaire	Lucyin
Info	ratournaedje et redjårbaedje da Lucyin Mahin di ?, e Rfondou walon

Dji vs rivoe todi tote bele

I.

Dji vs rivoe todi tote bele, fine sitindowe sol banc d’ såvlon
Et l’ aiwe del mer di s’ sigoter, tot fjhant des pieles so vosse djeron
Vos rwaitîz l’ aiwe, tote tuzineuse, avou l’ solea come on sordjoû
Dazår ki vs sondjîz a låvå, houte del mer ki vs irîz on djoû.

Resploe

Cisse tchanson cial
Ci resploe cial
Cwand dj’ a sondjî
A vs rabressî
A dmoré la
Sol pladje vola

Cisse fåvirete
D’ on grand djouwete
K’ a stî maké
Pa vosse beaté
Ossu tinrûle
(2inme vwès) Ossu tinrûle
Ossu sinsiûle.

II.

Vos n’ mi cnoxhîz nén ddja beacôp ; mi dji m’ contéve e paradis.
M’ avoz veyou li boke å lådje, tins k’ vos tuzîz a ds ôtes payis  ?
Seur nén, puski vs avoz ndalé lon d’ vos soçons, lon d’ vos parints
Cweri après vos ratayons ki vnént paret i did bén lon.

Resploe 2

Ci zûnêye la
Ci huzêye la
Rapinse li rôze
Tote frisse disclôse
On djoû d’ bontins
Tot å matén

Li grand sorire,
Li long sospir,
C’ est come on feu
Ki blawtêye roed^[1]
So li slombrant
Di l’ oceyan.

III.

Eyou vouss di esse pus awreus k’ addé l’ aisse et tot seus nos deus  ?
Ki nos schoûtrént l’ tchanson del veye, come nos schoûtans djômyî nosse feu.

Paski dji vs inme
Tot come ene rinne
Å diyadinme ;
Dji vs vou da minne :
Dji so bleu d’ vos,
Bleu, roed bleu sot.
(al flåwixhåjhe, et al londjinåjhe)
Dji so bleu d’ vos,
Bleu, roed bleu sot.

1. A prononcî « reûd » pol rimaedje.

Li tecse respectêye li tipetape d’ ene tchanson e francès da Bruno Picard. Si esteut i tuzé po-z esse tchanté e walon par lu. Mins les fråzes et les idêyes sont foirt lon erî do mwaisse sicrijhaedje.