Wikisourd:Depot/Lucyin/Les mônîs

Racsegnes sol tecse metou dvins l’ depot

Tite	Les mônîs
Oteur	Augustin Vermer
Date do scrijhaedje (do ratournaedje, do rortografiaedje, evnd.)	8 di djanvî 2022
Date d’ eplaidaedje (so Wikisourd)	8 di djanvî 2022
Depôzitaire	Lucyin
Info	rortografiaedje da Lucien Mahin e rfondou walon

Lès moûnîs

1.

Si on saveut çki les mônîs
Fjhèt magnî ås djins do payis.
Et lonlala, on les voyreut
A l’ potince, a l’ potince
Et lonlala, on les voyreut
A l’ potince ou å djibet.

2.

Des poes, des veces et des marons,
Po leu molén, ttafwait est bon.
Et lonlala, vla pocwè
On gonfele, on gonfele
Et lonlala, vla pocwè
On gonfele a s’ fé peter

3.

Avou del tchåsse et do mwais grin
I fjhèt del farene di frumint
Et lonlala, c’ est come ça
K’ a l’ wapeur, k’ a l’ wapeur,
Et lonlala, c’ est come ça
K’ vos fjhèt magnî do canistea

4.

I ramassèt ttavå les tchmins
Les oxheas d’ vatche et les cias d’ tchén.
Et lonlala, ç’ n’ est nén po rén
K’ leu farene, k’ leu farene ;
Et lonlala, ç’ n’ est nén po rin
K’ leu farene vos rondje les dints.

5.

Gn aveut-st on côp on vî mônî
K’ esteut l’ pus bråve di tot l’ payis
Et lonlala, on sait bén
K’ dins l’ farene, dins l’ farene
Et lonlala, on sait bén
K’ i gn a waire di bråvès djins.

6.

Ci mônî la aveut cwate fis
K’ estént tertos pareys a lu
Et lonlala, on sait bén
K’ dins l’ farene, dins l’ farene
Et lonlala, on sait bén
K’ i gn a waire di bråvès djins.

7.

I dmanda on pô å pus vî
Ass pris l’ moûteure di ç’ mônêye ci ?
Et lonlala, on sait bén
K’ dins l’ farene, dins l’ farene ;
Et lonlala, on sait bén
K’ i gn a waire di bråvès djins.

8.

Åy, popa, vos savoz bén
Ki çt afwaire la ni s’ roveye nén.
Et lonlala, on sait bén
K’ dins l’ farene, dins l’ farene ;
Et lonlala, on sait bén
K’ i gn a waire di bråvès djins.

9.

I dmande å deujhinme di ses fis
S’ il aveut pris l’ moûteure ossu.
Et lonlala, on sait bén
K’ dins l’ farene, dins l’ farene ;
Et lonlala, on sait bén
K’ i gn a waire di bråvès djins.

10.

Dji roveyreu putoit m’ påter
Ki di rovyî d’ prinde li moûteure.
Et lonlala, on sait bén
K’ dins l’ farene, dins l’ farene ;
Et lonlala, on sait bén
K’ i gn a waire di bråvès djins.

11.

I passe å troejhinme, å cwatrinme
Il avént pris l’ moûteure tot l’ minme.
Et lonlala, on sait bén
K’ dins l’ farene, dins l’ farene ;
Et lonlala, on sait bén
K’ i gn a waire di bråvès djins.

12.

Dji n’ mi feye nén do tot a vos
Taes d’ vårins ki vos estoz.
Et lonlala, on sait bén
K’ dins l’ farene, dins l’ farene ;
Et lonlala, on sait bén
K’ i gn a waire di bråvès djins.

13.

Tos les cwate vos avoz rovyî
Di rimpli vosse divwer vaici.
Et lonlala, on sait bén
K’ dins l’ farene, dins l’ farene ;
Et lonlala, on sait bén
K’ i gn a waire di bråvès djins.

14.

Et pa ladsu, nosse bråve mônî
Po l’ cénkinme côp l’ prinda ossu.
Et lonlala, on sait bén
K’ dins l’ farene, dins l’ farene ;
Et lonlala, on sait bén
K’ i gn a waire di bråvès djins.

15.

Et portant, c’ esteut l’ mônî
Li pus bråve di tot nosse pays.
Et lonlala, on sait bén
K’ dins l’ farene, dins l’ farene ;
Et lonlala, on sait bén
K’ i gn a waire di bråvès djins.