Bondjoû bondjoû, bondjoû Françwès ;
Dud lon, dju v’s-a veû arivè.
Èt tot d’ on côⁿp, dj’ m’ a dècidè :
C’ èst vos ki dji m’ va controlè.
Ça m’ va fwârt bin, madame lu policîre ;
I m’ va co bin, ça a ddja stè pîre.
Portant, i m’ faut… i mul vos faut bin dîre,
Dju n’ wè pus bin, dj’ so crèvè plin.
C’ èst one tatouye ku dj’ ramassa
O cabarèt di vosse popa.
Mins ça n’ fwêt rin, madame li poliçrèsse
Taurdjans ène miète, gn è rin ki prèsse.
Tot doûs tot doûs, tot doûs, tchaufeû ;
Gn è nin dandjî d’ bwâlè au feû.
Dj’ clôⁿrè lès-oûys, do mons ç’ côⁿp ci ;
Mins vos m’ divoz dnè vosse pèrmis.
C’ èst come du djusse, madame lu policîre ;
C’ èst vosse mustî ; gn è rin a rdîre.
Portant i m’ faut… i mul vos faut bin dîre,
La ddja dès-anêyes k’ on m’ l’ è rpris.
Vos duvnez rodje – c’ èst ddja comike –
Come lu fouye do controle tècnike.
Savoz bin cwè, madame lu poliçresse,
Dj’ a hausse du tumer dins vôⁿs brès′.
So ene esbåtche sicrîte la Dimitri François, li 17 di may ; rifondou et rarindjî sol tipetape di « Tout va très bien, madame la marquise » (såf li dierin long coplet) po mete sol Rantoele d’ esté.