Wikisourd:Depot/Lucyin/Pawoureusté

Racsegnes sol tecse metou dvins l’ depot

Tite	Pawoureusté
Oteur	Émile Wiket
Date do scrijhaedje (do ratournaedje, do rortografiaedje, evnd.)	1923
Date d’ eplaidaedje (so Wikisourd)	28 di may 2022
Depôzitaire	Lucyin
Info	rortografiaedje da Lucyin Mahin, e Rfondou walon

Pawoureusté

Dizo l' bleu cir, l' oronde
Pidjoléve djoyeuzmint
Et, come leye, mès ptits sondjes^[1]
S' enairixhént doûçmint.^[2]

Cwand, tot d' on côp, èn oraedje^[3]
Vina revinter tot;
Et mes sondjes, e foyaedje
Si såvît come des sots.

Li tere si lamentéve
Et m' Bouneur djemixheut^[4]
Come èn oujhea blessî…

Mins cwand, kxhiyant ene nûlêye,
Li solo fjha ene trawêye,
Tos mes ptits sondjes tchantît !

1. Mwaisse modêye: ritche rimaedje « arondje » / « sondje »
2. pol pîtaedje, dizôrné på codjowaedje « enairixhént », on a replaecî « ledjirmint » del mwaisse modêye (3 pîs) pa « doûçînt ».
3. Pol pîtaedje, li « è » di « èn » n' est nén prononcî.
4. Mwaisse modêye: ritche rimaedje « lamièn'téve » / « djèmihéve »