C' est on grand troes-masteas
Fén come èn oujhea.
Saetchîz co,
Vos, li ptit scalot !
Fel naivieu mågré on cint d' toneas;
Des maclots, sins manke, c' est mi l' pus bea.
Sins sogne des waches, sins sogne do schoice-vea
Saetchîz co,
Vos, li ptit scalot !
Plait-st a Diu, si l' vint n' toûne nén cazake,
Nos dirans disca l' iyreye canake.
Ça frè des foû longs djoûs sins rvey mi Mardjo.
Saetchîz co,
Vos, li ptit scalot !
D' î tuzer, dj' end a mes cint kilos
Cwand dji m' rapinse nos shijhes e coulot.
Asteure les shijhes,
C' est bate li hôte bijhe
Saetchîz co,
Vos, li ptit scalot !
Mins po l' rivir, dji vou esse fén bea;
Fåreut k' dji trouve des cwårs a saeyeas.
On-z ôt dire ki ladrî,
Gn a d' l' ôr k' est muchî
Saetchîz co,
Vos, li ptit scalot !
Dj' irè harbouyî tos les rixhots
Po ndè ramoenner sacwants lingots,
Sins sogne do slo,
Mi, on maigurlot.
Gretez co,
Vos, li ptit scalot !
Plait-st a Diu, dji cwitrè les rixhots
Po rivni a Nameur dé l' Burnot.
Cwand dji rvénrè drola,
Dji srè ritche ådla.
Payîz co,
Vos, li ptit scalot !
Dji rtrovrè mi Mardjo, et dabôrd,
Après s' doet, dji metrè on rond d' ôr,
Sins sogne des djins,
Sins sogne do schoice-vint.
Dansez co,
Vos, li ptit scalot !
Dji rprind l' mer, paski d' l' ôr, m' è fåt co.
Paret k' i gn a-st a Valparaizo…
So ene idêye da Christian Thirion (k' on nd a rprins li mot « saetchîz » do resploe), ki tchanta ene ôte modêye sicrîte par lu, a on cåbaret walon a Limerlé, å cmince di 2022.