L’POUYE QUI POND DES OUS D’ORE.
(La poule aux œufs d’or.)
In coquî avèt n’pouye, qui li fiet în oû d’ôre,
Dain in quertin,
Tous les joûs au matin,
I ruminet : q’dain s’géve, elle wordèt in trésôre !
Es s’n’idèe là, dain s’tiesse si bin s’estit’che,
Q’pa in bîa jou, pou d’vèni pu rade rit’che,
I l’lia coupet s’gozette ! il estét bin din s’tôrt !
I sin voulét à mort !
In l’drouvrant îl a vu : qui s’fourrét l’doét dain louye,
Ess’géve estét comme ell’sienne d’enne aute pouye.
MORALE :
Les geins qui voule nu iesse trop gloû,
Au pu souvint n’ont rin du tout !
Dain s’boutique si on r’çoét sès p’tits liards à l’doyette,
Si on za in mestî, qui va à mitant bin,
Tènonle, toudî ainsi, trop s’agrandî n’vaut rin,
Et in v’lant trop gangni, on pou quéque coup tout piette.