L’ êronde
Rapide èt lèdjîre come l' aronde
Ki fonce d' on trêt ol âtche do pont,
Dj' a vèyou passer one êronde,
Frisse èt bêle come lu djoûr ki pond.
Lu cièr'sî flori li èpronte
Lu nîvâye du s' cwar èt s' è pond.
 solo, è mitan du s' ronde,
Lu sclat dès dj'vès vinreût à pont.
Èle su mostère, sorit èt passe.
Dju vôve m’èlancî so sès traces,
Mès n' veûs noule fleûr ku s' pîd ploya !
Dju n' veûs pus ku l' vûd k' èle lèya,
Si grand ku l' djoûr m' è parèt neûr.
Vos vôrîz s' nom ? ‒ Dju noume Boneûr.
Note Wikisourd
eplaidî pol prumî côp dins "La Semaine" li 12 di djun 1926.
L' ortografeye cial, c' est l' cene di L'oeuvre poétique wallonne de Henri Bragard, SLLW, Lidje, 2008, p. 76.