Sol planete après, il î dmaneut ene sôlêye. Li Ptit Prince n’ î a dmoré k’ ene faflote, mins il end a stî tafwaitmint disbåtchî :
- Cwè fjhoz vaila ? derit i al sôlêye, ki n’ motixhët nén, d’ ashiou pa dvant ene driglêye di vudès botayes eyet ene driglêye di plinnès botayes.
- Dji boe, responda-t ele li sôlêye, l’ air d’ onk ki s’ dislamentêye.
- Douvént bevoz ? lyi dmanda-t i li Ptit Prince.
- Po rovyî, responda-t ele li sôlêye.
- Po rovyî cwè ? dimanda-t i li Ptit Prince, ki s’ fijheut ddja må d’ leye.
- Po rovyî ki dj’ a honte, avouwa-t ele, tot-z abaxhant l’ tiesse.
- Honte di cwè ? vola-t i sawè li Ptit Prince, afwaire di dner on côp di spale.
- Honte di boere ! acheva-t ele li sôlêye, ki n’ motixha pus.
Eyet li Ptit Prince endala, tot sondjåd.
«Les grandès djins, vormint, sont foû foû droles», si djheut i dins lu-minme, tins di s’ voyaedje.
Hårdêye difoûtrinne