I.
Pière, li pu bia djon.ne ome di nosse comune
À l’ cwane d’on bwès
Li coûr chagrin, môdichant s’t infortune,
Ainsi tchantèt :
Comint s’ fét-i , mi ki n’ èst nin voladje,
Comint s’ fét-i ?
Ki dj’ so todi dès coméres do viladje,
Li cotchèssî ?
Ki dj’ so todi dès coméres do viladje,
Li cotchèssî ?
II.
À totes lès bèles ki volnut bin m’ ètinde
Dji drouve mi coûr,
Dji fé ç’ ki dj’ pou po leû fér bin comprinde
Ki dj’ brûle d’ amour,
Dj’ a beau vantér leûs mwins èt leû cwarsadje,
Môgré ç’ ki dj’ di,
Dji so todi dès coméres do viladje,
Li cotchèssî.
Dji so todi dès coméres do viladje,
Li cotchèssî.
III.
<poem>
Lès cias, vêci, ki conichnut Marîye,
Diront come mi :
Gn’ a pon d’ si bèle, i gn’ a pon d’ si djolîye
Dins tot l’ payis;
D’ lé lèye vrémint dji m’ pinseûve bin astok
Bin aspouyî,
Por on vôrin ki n’ vôt nin one mastoke,
Èle m’ a tchèssî…
Por on vôrin ki n’ vôt nin one mastoke,
Èle m’ a tchèssî…
IV.
Môgré çola dji rpidreûve do coradje, Si l’ vî yerdî Volèt m’ donér si fèye Djane è mariadje Po m’ ayèssî. Vola deûs ans po l’ mwinsse ki dj’ èle cowéte. Ça m’ fét sètchi. Môgré mi amour, dji so co pa Djanète Bin cotchèssî. Môgré mi amour, dji so co pa Djanète Bin cotchèssî.
V.
Tot wous’ ki dj’ va, dj’ èl veu bin, on m’ cotchèsse, Dji n’ î tin pus; V’ là m’ pistolet, dji m’ va fér sôtér l’ tièsse, Dji vou moru. Dji m’ va nn’ alér one sawousse è l’ infièr Ou paradis, Veûye si dj’ sèrè come dj’ a stî dissus l’ tère Li cotchèssî. Veuye si dj’ sèrè come dj’ a stî dissus l’ tère Li cotchèssî.
VI.
Kand dj’ sèrè mwârt, fôt k’ on m’ ètère à l’ ombe D’ on maronî, Èt ki tot l’ monde pouche vinu lire su m’ tombe Ci ki dj’ a scrît : Véci dzos l’ pîre, c’ èst Pière k’ esteu co pîre K’ on tchin d’ bièrdjî. Ka dès bôchèles il èsteuve li martîr Èt l’ cotchèssî ! Ka dès bôchèles il èsteuve li martîr
Èt l’ cotchèssî !</poem>Rortografiaedje e Feller-Francard-Mahin, tél k' il a stî eplaidî po les scoles di Bive do 25 di måss 2014 (metou vizon vizu avou l' tecse e rfondou), et rtipé insi sol waibe « Li walon d' emon nozôtes ».