Li nute di may

Ciste ouve ci egzistêye eto divins ds ôtès ortografeyes : Feller.

Florent Lebierre

Li nute di may

rortografiaedje da Lucyin Mahin, e rfondou walon

2020

Prononçaedje pus ou moens zero-cnoxheu.

Li nute di may

I.

I fwait trankile ; li cir est bea ;
Ezès manaedjes, on n’ ôt nou brut.
Avå les tchamps, les ptits oujheas
Si rpoizèt kékès eures ossu.
Nozôtes, nos froxhans bwès et håyes
Po trover ene coxhe bele assez.

Resploe

O kéne bele nute ki l’ nute di may
Cwand k’ on-z a l’ bouneur d’ esse inmé.
O kéne bele nute ki l’ nute di may
Cwand k’ on-z a l’ bouneur d’ esse inmé.

II.

Nos vnans toplin d’ djoye et d’ amour,
Planter l’ åbe al cisse ki ns inmans.
Tot clawant, ns sintans bate nosse cour
Et di nosse mî doûçmint, ns tchantans
Sohaitant k’ çoula lyi ahåye
Esperant d’ esse riscompinsé

å resploe

III.

Sol tins k’ nos tchantans, nosse mwaistresse
Si dispiete, si rleve bén coetmint
Ele vént lûtchî padrî l’ finiesse
Et s’ a l’ tins long d’ esse å matén
Et totes nos poennes, ele nos les rpaye
Tot nos djurant fidelité.

å resploe

Note Wikisourd

Riprins do Wikipedia walon.