Lu nut’ du may

Ciste ouve ci egzistêye eto divins ds ôtès ortografeyes : Rifondou walon.

Florent Lebierre

Lu nut’ du may

rortografiaedje d’ èn oteur nén cnoxhou, e sistinme Feller, 1966

I

I fêt tranquile, lu cî èst bê,
Èzès manèdjes on n’ôt nou brut.
Avâ lès tchamps, lès p’tits oûhês
Su r’pwazèt quéquès-eûres ossu.
Nos-ôtes, nos frohans bwas èt hâyes
Po trover one cohe bèle assez.

Resploe

Ô quéle bèle nut’, quu l’ nut’ du may,
Qwand qu’on-z-a l’ boneûr d’èsse êmé  !
Ô quéle bèle nut’, quu l’ nut’ du may,
Qwand qu’on-z-a l’ boneûr d’èsse êmé  !

II

Nos v’nans, tot plins d’djôye èt d’amoûr,
Planter l’âbe à cisse quu n’s-êmans.
Tot clawant, n’s sintans bate nosse coûr
Èt du nosse mî, doûcemint, n’s tchantans
Sohêtans qu’ çoula li ahâye,
Èspèrant d’èsse ruscompinsés :

Resploe

Ô quéle bèle nut’, quu l’ nut’ du may,
Qwand qu’on-z-a l’ boneûr d’èsse êmé  !
Ô quéle bèle nut’, quu l’ nut’ du may,
Qwand qu’on-z-a l’ boneûr d’èsse êmé  !

III.

So l’timps quun n’s tchantans, nosse mêtresse
Su duspiète, su r’lîve bin keûtmint,
Èle vint lûtchî podrî l’finièsse,
Èt s’a l’ timps long d’èsse â matin.
Èt totes nos pônes, èle nos lès r’pâye,
Tot nos djurant fidélité.

Resploe

Ô quéle bèle nut’, quu l’ nut’ du may,
Qwand qu’on-z-a l’ boneûr d’èsse êmé  !
Ô quéle bèle nut’, quu l’ nut’ du may,
Qwand qu’on-z-a l’ boneûr d’èsse êmé  !

Note Wikisourd

Ortografeye del lire måmdiyinne p. 98-101.