Li vî Colas qu’a d’abôrd swèssante ans
Vint do mariè one djon.ne feume di trinte ans
Si do timps qu’èle l’a mariè po sès sous
Il èst teûrmint[1] djalous
Rifrin
Il èst todi drî lèye, drî lèye, drî lèye
Il èst grigneû teûrmint[2] qu’il èst djalous
Au pus vî, au pus fou
Èlle èst Madame, èlle a tot ç’ qui lî faut
Bijoux, twèlètes, mèskène èt minme on tch’vau
Mins èle ni wase sôrti foû di s’ maujon
Qu’il èst su sès talons
au r'frin
Lîsa qu’in.me co bin d’ rôlè à vèlo
Colas faît l’ minme qu’il èst mia è s’ culot
Mins po l’ sîre dins lès gritchètes èt lès broûs
I tanfèle come on boû
au r'frin
Quand c’èst l’ dicause, Lîsa qu’inme bin d’ dansè
À l’eûre do bal, ni pout mau do manquè
Do v’nu pètè saquants p’tits rigodons
Maîs gâre au vî crampon
au r'frin
Si on bia djoû Colas vint à moru
Dji vou wadji qui s’ feume sins fè do brût[3]
Avou sès sous r’mariereut on djon.ne coquia
Qui[4] n’ dimandereut nin mia
Dierin r'frin
Qu’i seûye todi drî lèye, drî lèye, drî lèye
Quand on-èst djon.ne on n’èst nin si djalous
C’èst lès pus vîs lès pus fous
Pî-notes