Mès racènes
Prustoz m’ vos racènes,
Po qu’ dj’î poûje à brèssîyes
Lès fwaces po porsûre mi vôye
Sins tchaîr à d’gnos.
Prustoz m’ vos racènes,
Po qui dj’ m’î ragrabouye,
Î rapaîri mès lèpes
Tot bèvant au soûrdant.
Prustoz m’ vos racènes,
Po qui dj’ pouye co crwêre.
Po qui dj’ wase rilèver m’ tièsse
Èt continouwer à m’ bate.
Prustoz m’ vos racènes,
Po qui dj’ m’î ragriftéye,
Po m’sinte mèyeû audjoûrdu
Au mitan d’ vos.
Prustoz m’ vos racènes,
Po qui dj’ m’î ablouketéye
Divant d’ rèvoler viès on lauvau
D’èwou ç’qui gn’a nuk qu’è r’vint.
Prustoz m’ vos racènes,
Mès tâyons, mès fréres,
Po qui dj’ riskèpîye
Aute paut qu’ dins mès sondjes.