Le covid 19 monne lu tère duspui dè moès ! Lè courbures dul mineye montè, montè.
Lè persons ki sougnè lè djins su touè à l’ovradge, l’HORECA, lè caf’tis, lè plèces à mougnié s’arrachèt lè t’chèfès, è lè scolis son è scole du lon.
Ni lè djins ki boujè bramint « lè sportifs » son ossi touchèt pal mineye. Su mwè caiè è rindu patrac nos vikadges, nos ideyes à v’nu son èvoye !
Fo trovu dè autes ideyes po nin duvnu fon !
On s’y fouè o on klamps !
Poussè à tin sul boton « pause » è profitè du cè momin-ci po vo prinde, purné dè nières è avancè, nu vo léchè nin stouffé pa dè peurs, dè on-dit. On è sonrtrè !
Aprè in der racloyadge no vla sul boune duscinte ! Ben aye, lè courbures rutchindè, è rate ! Mè d’ju n’astant nè co sorntu dul mineye ! Pon d' Noyé, pon d' Novel Aneye ! Cè terrip !
Les kommers son trovu mè nin tortou…
Po coiffeu ! Pon masseu !
D’ju von sès dè hippies è dè paralysè.
Lè d’jin cumincè à duscoradgè; ça va tournè mô tô ça.
Oyé, oyé lè djins ki sougnè lè niers vô orè d’lovradge ! è vô ossi co d’pu lè docteu, lè sogneu… Au passadge on vo di merci bramin des dè con !
Allè fo vikè ! è bin vikè nu no lèchan nin dusbrolè è comme lu djo Anny Cordy…
Ça irè mi dumoin !
Com tou finirè bin
I fo prinde lu vi
Com el vin !
E el vin bin, anut ô prumi mwè d’l'anneye 2021 è bin on v’af pikè si vo vlé bin ! Mè on dè fère si on vu sortu d’ul mineye n’y ça sè délivrance po tortou !
E on pike, on pike mè patavo !
Què ovradge !
Cink, chiè sonrte do pikadge !
El bon ! C’el qué ? po contré lè saloprie d’Afrique, lè cè qui v’nant dul Manche è to les autes…
On ratin nos tour !
On d’vin in pon mouè !mè on s’y fouè, on s’tin à Caro; niec ca à fwère !
Moutè ku l’solia nos amonrè dè bounes novels po l’estè è con ponrè r’viké in pon !
En ratindant bon coradge à tortou !
sucrît lu 2 d' mârs′ 2021.