Prumire lete da sint På ås djins d’ Corinte/XIV
XIV
1 – Catchî après l' amour, sondjîz ossu ås bistokes di l' Esprit, mins foiravant åzès cis des profetaedjes.
2 – Oyi, l' ci ki cåze e linwe ni cåze nén ås djins, mins å Bon Diu, paski nolu n' el comprind eyet c' est dins l' Esprit ki dit des misteres.
3 – El ci ki profete, lu, i cåze ås djins, les fwait crexhe, les invite, les rapåjhtêye.
4 – El ci ki cåze e linwe askepyî lu-minme ; el ci ki profete fwait crexhe l' Eglijhe.
5 – Dji voe k' vos cåzîz tertos e linwe, mins dji voe co pu ki vos dijhoxhe des profetaedjes. El ci ki profete est pus grand k' el ci ki cåze e linwe, åré k' ci dierin n' si sieve po ki l' Eglijhe crexhe pus foirt.
6 – Asteure, mes Djins, dji sieve a cwè, si dji vos cåzrè e linwe al plaece di vos apoirter on lingaedje di håynaedje, di sepyince eyet di profetaedje.
7 – Si des afwaires ki n' bodjnut nén eyet ki rindnut on son, come ene flûte ubén ene harpe, ni rindént nén des sons diferins, comint erconoxhe ç' ki li flûte ubén l' harpe djouwént.
8 – Si li trompete dene on son k' on n' conoxhe nén, ki s' aprestêyreut a daler s' bate.
9 – Vozôtes, si pa vo linwe vos n' dinez nén ene sacwè k' a des sinses, comint comprinde ci ki vs dijhoz ? Paski vos cåzroz e l' air.
10 – Dins totès les sôrtes di lingaedjes do monde, gn a nolu k' i nd a pont.
