Prumire lette da Paul aux djins di Corinthe/XIV
XIV
1. Cachî après l’amour, sondjo ossi aux dons di l’Esprit, min surtout aux çis des prophties.
2. Ayi, li çi qui cause en linwe ni cause nins aux hommes, mins au Bon Diè, pasqui nuque nelle comprind è c’est dins l’esprit qui dit des mystères.
3. Li çi qui prophétise, li, i cause aux hommes, les fait crèche, les invite, les rapaujtée.
4. Li çi qui cause en linwe cré li minme ; li çi qui prophétise fait crèche l’Eglije.
5. Dji vous qui vos causéje tortos en linwe, min dji vous co pu qui vos dijoche des prophéties. Li çi qui prophétise est pus grand qui l’çi qui ccause en linwe, à mwins qui çi dèrin ni sè siève po qui l’Eglije crèche pu fwart.
6. Et asteûre, Fréres, à qwè esse qui dji sièvre, si dji vos causre en linwe à l’place dès vos apwarté on lingadje di révélation, di conichance, di prophétie.
7. Si des affères qui n’boudjè nin è qui rindè on son, comme one flûte ou one harpe, ni rindè nin des sons diffèrins, commin ricnoche su qui li flûte ou li harpe djouaient.
8. Et si li trompette donne on son qu’on n’conne nin, qui s’apprètrè po z aller s’batte.
9. Et voz, si pa vosse linwe vo n’dinnez nin one sqwè qui a des sinsse, commin comprind su qui voz dijo ? Pasqui voz cauzro è l’air.
10. Dins totes les sôrtes di lingadjes au monde, i gna nuke qu’est fou sqwére.
11. Adon, si dji n’conne nin li sinse d’on lingadje, dji sèrè on sauvadje po li çi qui cause et i sèrè on sauvadje por mi.
12. Et vos-ôtes, vos v'loz awè branmint dès dons: qui ça seûye po l'bin d'l'Eglîje.
13. Vola poqwè qui li çi qui cause on lingadje dije ses priéres po comprinde.
14. Pasqui si dji di one priére en lingadje, m’esprit esse-t-en priére, min mi cervia dimeûre setche.
15. Qui faut-y fé ? Dji dirè des priéres pa l’esprit, mins dj è dirè ossi avou mi cervia ; dji tchantrè pa l’esprit è dji tchantrè pa l’cervia.
16. Autrumin, si ti rimercie pa l’esprit, commin li çi qui choûte poûrè-t-y dire « amen » pousqui i n’comprin nin su qui ti dit ?
17. C’est vrai qui ti dit des bons rimerciemins, mins l’aûte n’est nin pu fwart.
18. Dji dit des rimerciemins au Bon Diè di su qui dji cause des lingadjes dipu qui voz aûtes tortos ; 19 mins dins l’èglije, djaime mia dire cinq mots avou mi cervia po apprinde au zaûtes pu rate qui mille mots en lingadje.
20. Fréres, ni soyoz nin de èfans po djuger, mins po l’mau, soyoz des p’tits èfans è po l’djujmin, soyoz des hommes bin faits.
21. Il est scrî dins li lwè : « C’est pas des hommes d’one aûte lingadje è pa des lèppes d’ètrangéres qui dji causrè aux djins è i n’mi choûtrons minme nin comme ça. » a dit li Seigneûr.
22. Ainsi, les lingadjes sont on sinne, nin po les çis qui crwèyè, mins po les çis qui n’crwèyè nin. Adon qui les « prophéties » sont on sinne po les crwèyans et nin po les non-crwèyans.
23. Ainsi, si l’èglije tote ètîre si rachone, qui tortos causè li minme lingadje è qui des non-crwyans arrivèche, ni diront y nin qui voz èstoz loignes ?
24. Mins, si tortos dijè des prophéties è qu’arriv’ on non-crwèyan ou on choûteu, il est djujé pa tortos ;
25. le s’crts di s’coeûr sont discouviè. Adon, toumant su s’tiesse, i adorrè li Bon Diè è dirè qui li Bon Diè est vraimin au mitan di voz aûtes.
26. Eh qwè fé, fréres ? quand voz voz rachoné, chaque a-t-i on tchant, on lingadje, po qui tot si faye po yesse pu fwart ?
27. Si onke cause deux ou trwès lingadjes è chaque à s’tour, qui gnauye onk qui esplique.
28. Et si gna pon, qu’on s’taye dins l’èglije, qu’on cause à li minme ou au Bon Diè.
29. Po les prophètes, qui deux ou trwès causèchent è les aûtes jugèchent.
30. One aûte a-t-y one saqwè à dire ? Qui l’prumî si taye.
31. Pasqui voz plo tortos dire des prophéties, onke après l’aûte po qui tortos seyèchent au courant è escoradjis.
32. Les esprits des prophètes sont présinté aux prophètes.
33. Pasqui li Bon Diè n’est nin on Bon Diè di guerre, mins di paix.
34. Comme dins totes les èglijes des saints, qui le feumes si taijèchent pasqui elles ni plè nin causer è qu’elles chotèchent, comme li dit li lwè.
35. Si elles vlè sèpe one saqwè, qu’elles dimandèchent à leu-z-hommes dins leu maujone ; pasqui il est mau veyu qui les feumes causèchent dins one èglije.
36. Esse di voz qui li lingadje dau Bon Diè est moussî fou ? Ou esse à voz tot seu qu’elle esse-t- parvinouwe ?
37. Si one saquye crwè yesse prophète qui ricnoche qui su qui dji scrî esse-t- one ôrde dau Seingneûr.
38. Et si one saquye nè l’sé nin, c’est qui li Bon Diè nel conne nin.
39. Ainsi fréres, leyov tenté à dire des prophéties è n’espètchî nin dè causer des lingadjes.
40. Mins qui to s’feye commufaut è dins l’ôrde.