Prumire lette da Paul aux djins di Corinthe/V
V
1 On ètind tot l’timps causer qui voz voz tinoz maû ; è voz voz tinoz télmin maû qui c’est co pire qu’èmon les çis qui n’crwèyè nin ; c’esse télmint pire qu’i gna onke di voz aûtes qu’ a li feume di s’papa !
2 Et voz èstoz télmint pourris di ‘n tuzé qu’ avoz aûtes qui voz n’avoz nin pris l’doû po qui li çi qui a fait ça seuye foutu à l’huche di vosse soçe.
3 Por mi, qui n’a pupon d’cwar, mais qui a co m’tiesse, dja dèdja mettu on djujmin, comme si j’esteûve là, su li çi qui a fait ça.
4 Pasqui, au nom dè Seigneûr Djésus, voz è m’tiesse, noz èstans rachonés avou li pouvwère dau Seigneûr Djésus.
5 Qu’on tél homme seuye tapé au Diâle po distrûre les cwars po qui l’tiesse seuye sipaurgnî li djoû dau Seigneûr Djésus.
6 Elle n’est nin fwart belle vosse glwère : ni savoz nin qu’one miète di lèveûre fait monter tote li pausse.
7 Rissachoz vosse vyie lèveûre po divnu one novèle pausse pusqui voz èstoz sins lèveûre, pasqui Christ, nosse Paûque a stî touwé.
8 Adon, fyans l’fiesse, nin avou del vyie lèveûre, ni avou one lèveûre di mèchansseté, mins avou les pwins sins lèveûre di s’qui est l’vraye.
9 Dji voz a scrî dins m’lètte di nin yu des rappoûrts avou les dislatchîs.
10 Des çi qui voz dijai qui sont vosse frére, mins qui sont piscrosses, des bèveûs, des vaurins, des voleûrs 11 è minme dè n’nin mougnî avous ces djins-là.
12 Qu’est-ce qui dja à pwarter on jujmin po les çis qui sont foû ? N’estans nin juches dè çis qui sont d’dins ?
13 Li çi qu’est foû, c’est l’Bon Diè qui l’djugrè ; foutoz à l’huche les mètchans qui sont co avou voz.