Li grijhe di Palijhoû…
C' esteut ene feme ki tournéve les viyaedjes. On côp, (des djins k' i gn a), i n' lyi avént nén vlou dner ene tcharité. Ele lezî aveut avoyî des pûs. (L' ome del måjhon), il a stî dé on curé.
Li curé a pris on pû et i l' a clawé å meur. Et l' sôrcire a cmincî a souwer[1] come li pû. Elle a dvou vni dmander pardon.
Avoyî on laid sôr
C' esteut ene feme ki passéve. Elle a dmandé ene djate di cafè. (Il ont ruspondu): «Cwand vos rvénroz, da, Djeniye».
Cwand elle a rpassé (di s' tournêye), i n' éstént nén la.
Ele lezî a avoyî des pûs. I s' dismoussént å dbout do corti. I bouwént leu cotes. Il è rmètént des ôtes. Mins i ratrapént todi des pûs.
Il ont dvou ndaler dire pardon a l' sôrcire.
Des pas so l' gurnî
C' esteut èn ome k' oyeut todi des pas e gurnî.
Li curé a vnou rbeni l' tchambe et i gn a pus rén yeu.
Ene feme ki lijheut des mwais lives…
…et k'alot fé araedjî mossieu l' curé.
Cwand les djindåres ont stî vnous po l' apicî, elle a tourné a tchet. I gn aveut k' on gros marcåd ki les rwaitive.
Ene feme ki vneut tourner les viyaedjes…
…et voyive des laids sôrs.
Gn aveut des djindåres ki l' avént ratindou a l' orire do bwès. Cwand i vlént mete li mwin sor leye, ele esteut spitêye dijh metes pus lon.
Li prumire di ces spoûles ci (li grijhe di Palijhoû) a stî eployeye dins l' novele C’ est todi l’ aiwe ki doime ki neye.